मनोरंजनसंसार डटकम
प्रदर्शनको लागि तयार भएर बसेको चलचित्र “कारखाना” ले आफ्नो पहिलो टिजर सार्वजनिक भएको छ | सार्वजनिक टिजर हेर्दा चलचित्रमा पारिवारिक कथा , लव स्टोरी र एक्शनलाई चलचित्रमा अधिक जोड दिइएको देखिन्छ | चलचित्रले केहि समय अगाडी मात्रै आफ्नो पहिलो “माया ले बोलेको” बोलको गीत समेत सार्वजनिक गरिसकेको छ | चलचित्रको गीतले अहिले राम्रो चर्चा समेत पाईरहेको छ | चलचित्रको गीत संगीत पक्षे पनि निकै अब्बल रहेको जानकारी निर्माण पक्षेले धेरै अगाडी देखि नै बताईरहेको छ | चलचित्रको सार्वजनिक टिजरमा समावेश दृश्यले अधिकांश दर्शकहरुको ध्यान बटुल्न सक्ने देखिन्छ |
चलचित्रमा हाम्रै नेपाली समाजको कथा वस्तुलाई निकै सुन्दर तरिकाले प्रस्तुत गर्न खोजिएको छ | माया प्रेम र रोमान्स संगै एक्शनलाई पनि चलचित्रमा केहि फरक हिसाबले देखाउने प्रयास गरिएको छ | चलचित्रको गीत संगीतले पनि धेरै दर्शकहरुको मन जित्ने विश्वास निर्माण पक्षेले ब्यक्त गरेको छ | चलचित्र निकै नै राम्रो बनेको र सम्पूर्ण दर्शकहरुलाई चलचित्रले भरपुर मनोरंजन गराउने कुरा निर्माता सुदिप खड्काले बताउनु भएको छ |
अमरद्विप सापकोटाको लेखन तथा निर्देशनमा तयार भएको चलचित्रमा सुशिल श्रेष्ठ, वर्षा शिवाकोटी, जेविका कार्की, मौसमी मल्ल, नागेन्द्र रिजाल लगायतको कलाकारहरुको अभिनय रहेको छ | दयाराम दाहाल, सुशिल पोखरेल र निर्देशक स्वयमको पटकथा तथा संवाद जोडिएको चलचित्रमा निरज कंडेलको छायांकन रहेको छ | चलचित्रको निर्माता तर्फ भने सुदिप खड्का, राजेन्द्र केसी, अम बज्राचार्य र सुर्याश खड्का रहेका छन् | त्यसै गरि चलचित्रमा चन्द्र पन्तको द्वन्द्व , हर्कुलस बस्नेत र अनिल शाहीको संगीत र कविराज गहतराजको नृत्य रहनेछ । चलचित्रको बजार वितरकको जिम्मा गोबिन्द शाहीले लिनुभएको छ |
हेर्नुस टिजर :
हेर्नुस गीत :
