बैशाख २५ गते देशव्यापी प्रदर्शनको तयारीमा रहेको चलचित्र होस्टेल रिटन्र्सको ‘मुसुक्कै हास्ने तिम्रो बानीले’नामक बोलको गीत रिलिज भएको छ । यसभन्दा अघि अडियो मात्र सार्वजनिक गदैं आएकाको निर्माणपक्षले विहिबार भने भिडियोनै सार्वजनिक गरेको हो । सोप्नील शर्मा र श्रीया सोताङको स्वर रहेको यो गीतमा संगीत सोप्नील शर्माले दिएका छन् । गोबिन्द राईको नृत्य रहेको गीतमा सुशिल श्रेष्ठ, शशी श्रेष्ठ, स्वस्तिमा खड्का लगायतका कलाकारहरु देख्न सकिन्छ ।
खबरका अनुसार आजबाट सुरु भएको एसएलसी परिक्षा दिदैं गरेका विद्यार्थीलाई उपहार स्वरुप निर्माणपक्षले नयाँ गीत सार्वजनिक गरेको हो । चलचित्रले विद्यार्थीहरुकै कथा बोकेको छ । निर्माता सुनिल रावलको लगानी रहेको यस चलचित्र दुर्गिस फिल्म्सको ब्यानरमा निर्माण भएको हो । यो ब्यानरबाट बनेको यो तेस्रो चलचित्र हो। यो ब्यानरबाट बनेका यसअघिका चलचित्र होस्टेल र सायद दुवै सफल चलचित्र हुन्। चलचित्रमा सुशील श्रेष्ठ, शशी श्रेष्ठ, नाजिर हुसेन, स्वस्तिमा खड्कालगायतका कलाकारहरुको मुख्य भुमिका रहेको छ । चलचित्र ‘होस्टेल रिटर्न्स लाई सुरज भुषालले निर्देशन गरेका हुन् ।