निकै ठुलो बजेटमा निर्माण भएको नेपाली कमेडी फिल्म चंखे शंखे पंखेको रिलिज मिति सार्वजनिक गरिएको छ । बलिउडस्टार रणवीर कपूर अभिनित चलचित्र बम्बे भेलबेटसँग चंखे शंखे पंखेले आफ्नो प्रदर्शन मिति सार्वजनिक गरेको हो । अब चलचित्र जेठ १ गते देशभर प्रदर्शनमा आउने यस चलचित्रका निर्देशक एंव नायक सुदर्शन थापाले जानकारी दिए । साथैं चलचित्रको पहिलो प्रिमियर सो अप्रिल १७ तारिख का दिन बहराईनमा गर्ने तयारी समेत भइरहेको निर्देशक थापाले जानकारी दिए । बहराईनसगैं देशका विभिन्नस्थानहरुमा चलचित्रको च्यारिटी सो आयोजना गरिने निर्माता सन्तोष सेन बताए ।
फिल्म ‘चंखे शंखे पंखे’ मा टेलिभिजन रिपोर्टरको भूमिकामा पूजा शर्मा प्रमुख पात्र भएर अभिनय गरेकी छिन् भने हिरो सुवास थापा चंखेको भूमिकामा, नयाँ कलाकार प्रेम पुरी शंखेको भूमिकामा र निर्देशक थापा चाहि पंखेको भूमिकामा प्रस्तुत भएका छन् । यसैगरी नायिका नन्दिता केसी विशेष भूमिकामा छिन् भने कलाकारहरु राजाराम पौडेल, रामचन्द अधिकारी, रविन्द खड्का तथा श्याम राई, ध्रुब कोइराला सहित स्टेजका कलाकार रविन्द झा र प्रमोद अग्रहरी पनि यो फिल्मको प्रमुख पात्र हुन ।