द्धन्द्धकालमा सैनिकको परिवारमा घटेको घटनालाई यथार्थपरक रुपमा उठान गरिएको चलचित्र पुनर्जन्मलाई केन्द्रिय चलचित्र जाँच समितिले यूनिभर्सल सर्टिफिकेट दिएको छ । मंगलबार सेन्सर बोर्डले चलचित्र हेरेपछि कुनै पनि दृश्यमा कैची नचलाउदैं यूनिभर्सल सर्टिफिकेट दिएको हो । अब चलचित्र पुनर्जन्मलाई सबै बर्गका दर्शकले हलसम्म गएर हेर्न पाउनेछन् ।
यहि माघ २२ गते देखी अलनेपाल रिलिजको तयारीमा रहेको चलचित्र पुनर्जन्ममा आर्यन सिग्देल, गजित बिष्ट, केकी अधिकारी, सुस्मिता शाही, विजय लामा, मिथिला शर्मा, लक्ष्मी गिरी, रश्मी भट्ट लगायतका कलाकारको अभिनय छ । एमके इन्टरटेन्मेन्टको ब्यानरमा बनेको यो चलचित्रमा मोहनकृष्ण श्रेष्ठ र भद्र बहादुर शाहीले लगानी गरेका छन् भने चलचित्रलाई सजन श्रेष्ठले निर्देशन गरेका हुन् ।
चलचित्रमा बसन्तसँगै जयन्त शर्माको संगीत, कविराज गहतराजको नृत्य, अष्ट महर्जनको द्वन्द्व, मिलन अमात्य, अन्जु पन्त, जितु श्रेष्ठको स्वर, शिव ढकाल र नवराज कृष्ण थापाको छायांकन छ ।