चैत ११ गतेदेखी देशव्यापी रिलिजको तयारीमा रहेको चलचित्र षडङगको अफिसियल गीत रिलिज भएको छ । सार्वजनिक ‘लबी डबी’ नामक बोलको गीतमा नायिका हर्षिका श्रेष्ठको हट नृत्य देख्न सकिन्छ भने चलचित्रका अरु केहि कलाकारहरु पनि बारमा झुमिरहेको देख्न सकिन्छ । गीतमा मीना सिहंको स्वर रहेको छ भने सुरेन्द्र डि.कार्कीको शब्द तथा संगीत रहेको छ । लुमिनियोस पिक्चस्को ब्यानरमा निर्माण भएको चलचित्रमा राजनीतिक विषयवस्तुलाई मनोरञ्जनात्मक शैलीमा प्रस्तुत गरिएको छ ।
चलचित्रको ३५ दिने सुटिङ राजधानी र धुलिखेलमा भएको थियो । चलचित्रमा सुजेन्द्र डि कार्कीले संगीत दिएका छन् । नरेन्द्र मैनालीको सिनेमाटोग्राफी रहेको चलचित्रमा अभिनेता सौगात मल्ल, अनुप बराल, विजय लामा, प्रियंका कार्की, सौरमराज तुलाधर, ए गुरुङ, हर्षिका श्रेष्ठलगायतले अभिनय गरेका छन् ।