चलचित्र “सायद”को सिक्वेलको रुपमा निर्माण गरिएको चलचित्र “सायद २”को यहि आउदो मे १४ मा जापानको राजधानी टोकियोमा निर्माण पक्षेले बिशेष प्रदर्शनी अर्थात् ग्रयाण्ड प्रिमिएर शो को आयोजना गर्ने भएको छ ।चलचित्रका निर्माता सुनिल रावलले दिएको जानकारी अनुसार उक्त बिशेष प्रदर्शनी शो को लागि सम्पूर्ण तयारी सकिसकेको छ ।यसै गरि प्राप्त जानकारी अनुसार बहुप्रतिक्षित चलचित्र सायद २ को टोकियो स्थित नाकानो जिरो हलमा प्रिमिएर शो आयोजना गरिने छ । उक्त प्रिमिएर शो मा सहभागी हुनको लागि चलचित्रका निर्माता सुनिल रावल , प्रस्तोता दुर्गिश थापा , अभिनेता सुशील श्रेष्ठको साथमा पत्रकार श्याम अर्याल र सचित खड्का समेत मे १० मा जापान जाने कुरा तय भएको छ । असार ३० गते देखि देशभर देखि प्रदर्शनमा आउन लागेको चलचित्रको नेपालमा मात्र होइन बिदेशमा समेत यति बेला खुबै चर्चा छ ।
अधिकतम सफलता हासिल गरेको चलचित्र “सायद” को सिक्वेलको रुपमा निर्माण गरिएको चलचित्र “सायद २” ले अहिलेको युवा पुस्ताको ताजा कथा बोल्छ । यस्तै युवा पुस्ताको अहिलेको समस्या र समाधानको साथमा सबैलाई केहि गहकिलो संदेश समेत चलचित्रले प्रदान गर्ने निर्माण पक्षेको दाबी रहेको छ ।दुर्गिश फिल्म्सको ब्यानरद्वारा निर्मित चलचित्रमा सुशिल श्रेष्ठ , श्यारोन श्रेष्ठ , अमृत ढुंगाना , सोभित बस्नेत , कुशल पाण्डे , सुनिल रावल , निशा कार्की , रुबिना श्रेष्ठ , बुद्धि लाल मगर लगायतका कलाकारहरुको मुख्य अभिनय रहेको छ । चलचित्रमा सुनिल रावलको कथा , राजु विक्रम थापाको छायांकन , अष्ट महर्जनको द्वन्द र गोविन्द राई र विक्रम स्वारको नृत्य निर्देशन रहेको छ । चलचित्रको लेखन तथा निर्देशन पुष्पराज टि न्यौपानेले गरेका छन् । यस्तै चलचित्रका निर्माता तर्फ भने सुनिल रावल , इश्वोर श्रेष्ठ र सुवास लामिछाने रहेका छन् ।
