नेपाली सुगम संगीतका चर्चित संगीतकार चेतन सापकोटाले आफ्नो पहिलो चलचित्रको आज काठमाडौंमा एक कार्यक्रमका विच औपचारिक घोषणा गरेका छन् । ‘भाग् सानी भाग्’ नाम राखिएको उक्त चलचित्रमा चेतन कार्यकारी निर्माता रहेका छन् । नवल नेपालको लेखन तथा निर्देशन रहने यस चलचित्रमा नायिका केकी अधिकारी,सविन श्रेष्ठ, निर शाह, लय संग्रौला, रमेश वुढाथोकी, गिता अधिकारी, रविन्द्र खड्का, विष्णु सापकोटाको मुख्य भूमिका रहनेछ । शनिबारबाट छायांकन सुरु हुने यस चलचित्रको काठमाडौं लगायतका विभिन्न ठाउँहरुमा छायांकन हुने कार्यकारी निर्माता सापकोटाले जानकारी दिए । कार्यक्रम स्थलमा भाग्दैं आएकी नायिका केकी अधिकारीले आफु चलचित्रमा भागीरहने बताइन ।
उनीसगैं कार्यक्रमस्थलमा नायक सविन श्रेष्ठपनि भाग्दैं आएका थिए । कार्यक्रममा बोल्दैं संगीतकार तथा ‘भाग् सानी भाग्’ चलचित्रका कार्यकारी निर्माता चेतन सापकोटाले दर्शकालाई नयाँ स्वाद चखाउने हिसाबले यो चलचित्रको घोषणा गरिएको जानकारी दिए । नारीप्रधान चलचित्र रहेका कारण ‘भाग् सानी भाग्’ उत्कृष्ट चलचित्र बन्ने निर्माता सापकोटाले दावी गरे । त्यस्तैं चलचित्रका लेखक तथा निर्देशक नवल नेपालले आफुले चलचित्रलाई राम्रो बनाउन हरकदम र हरप्रयास गर्ने बताए । नवलले चलचित्र ‘भाग् सानी भाग्’ कमेडी कथामा निर्माण हुन लागेको पनि खुलाए । चलचित्रमा सहदेव गौतम र विलोल पोख्रेल निर्माताको रुपमा छन् । साथीभाई फिल्मस्का लागि बिष्णु चापागाँइको प्रस्तुतीमा बन्न लागेको यो चलचित्रमा कविराज गहतराजको नृत्य, हिमाल केसीको एक्सन, दिव्यराज सुवेदीको छायांकन रहनेछ ।