भारतीय क्रिकेट विराट कोहलीले आफ्नो प्रेमीका अनुष्का शर्माले अभिनय र निर्माण गरेको चलचित्र एनएच १० हलमै गएर हेरेका छन् । चलचित्र हेरेपछि विराटले अनुष्काको खुलेरै ट्वीटर मार्फत तारिफ गरे । विराटले चलचित्र हेरेपछि ट्वीटरमा आफु चलचित्र हेरेर स्तब्ध भएको उल्लेख गरेका छन् ।
उनले उक्त चलचित्र हेरेर स्तब्ध मात्र होइन पहिलो पटक उनले अनुष्कालाई मेरो माया भनेर समेत ट्वीटरमा उल्लेख गरेका छन् । ट्वीटरमा विराटले अनुष्काको अभिनयलाई आफुले तारिफ गरेर कहिलेपनि नसक्ने लेखेका छन् । विराटले उक्त कुरा ट्वीटरमा लेखेको केहि बेरमा नै अनुष्काले विराटलाई ट्वीटर मार्फतनै धन्यवाद दिएकी छिन् । विराट र अनुष्का लामो समय देखी प्रेमसम्बन्धमा रहि आएका छन् ।