आज जेठ २३ गतेदेखि प्रदर्शनमा आउन लागेको चलचित्र जन्ते बाख्रोको प्रिमियर बुधबार सिभिल मलमा आयोजना गरिएको थियो
प्रिमियरमा कलाकारहरु सौगात मल्ल, सन्दीप क्षेत्री, लाहुरे, अनुपविक्रम शाही, वर्षा राउत, सञ्जोग कोइराला, अशिम शाहलगायत उपस्थित थिए ।
Category: नेपाली सिनेमा
चितवनको गर्मीमा ‘बिगुल’ फुक्दै चलचित्रको यो टिम
काठमाडौं । निर्देशक रमेश कोइराला निर्देशीत ‘बिगुल’ फिल्मको छायांकन चितवनका बिभिन्न स्थानमा धमाधम भइरहेको छ । बैशाख अन्तिमबाट थालीएको ‘बिगुल’ को चितवन सेड्युल अन्तिम चरणमा पुगेको जानकारी निर्देशक कोइरालाले दिएका छन् ।
‘अधिक गर्मीका बाबजुत पनि सहजताका साथ सुटिङ भइरहेको छ,’ निर्देशक कोइराला भन्छन्,‘हामी चितवनको सेड्युल समापन सम्मुख पुगेका छौं । बाँकी दुई गीत र केही सिन काठमाडौंमा खिच्ने छौं ।’ दिनेश कोइरालाको कथा रहेको फिल्ममा समाजीक बिषयबस्तु उठान गरिएको छ ।
बेनीशा हमाल, नरेन खड्का, बिनोद न्यौपाने, नीर शाह, रबिन्द्र खड्का, रमेश बुढाथोकी, गीता अधिकारी, सरोज खनाल, शिसिर वाङ्देल, इश्वरी बराललगायतका साथमा नव अभिनेत्री मिरा पण्डित मुख्य भूमिकामा रहेको फिल्मले मनोरञ्जनका साथमा समाजीक सन्देश समेत प्रस्तुत गर्ने बताइन्छ । म्याग्नोलिया ग्रुपको ब्यानरमा महेश कोइराला र सूर्यकान्त कोइराला निर्माता रहेको फिल्मको प्रस्तुतकर्ता कल्पना पौडेल हुन् ।
कांग्रेस महामन्त्री बिश्वप्रकाश शर्मा, अर्जुन पोखरेल र मनोज चौलागाईको संगीत रहेको फिल्मको गीतको कोरियोग्राफी कमल राई र कविराज गहतराजले गर्नेछन् । शिब ढकालको छायांकन रहेको फिल्ममा एनवी महर्जनको द्वन्द्व निर्देशन, मौनता श्रेष्ठको पटकथा, श्याम केसीको निर्माण व्यवस्थापन छ । फिल्म ०८२ भित्रै दर्शकमाझ ल्याउने योजना निर्माण पक्षको छ ।
ब्लक बस्टर सफल बनेसँगै ‘उनको स्विटर’ टिमले काट्यो चारतले केक
काठमाडौं । नेपालको पूर्वी भूभागमा रहेका लिम्बु समुदायकी युवतीलाई इतर समुदायको युवाले मन पराएपछि हुने परिस्थितिमा आधारित रहेर निर्माण गरिएको अग्र्यानिक चलचित्र ‘उनको स्विटर’ प्रदर्शनको एक महिना हाराहारीमा पुग्दा १० करोडभन्दा बढीको ग्रस कलेक्सन गरेको छ । यही अवसरमा चलचित्र निर्माण समूहले खुसीयाली मनाउँदै केक काटेको छ । चलचित्र निर्माण समूहले मंगलबार बेलुका दर्शकहरुसँगै बसेर चलचित्र हेर्दै चार तले केक काटेको थियो ।
गत बैशाख २६ गतेदेखि प्रदर्शनमा आएको यो चलचित्र हेर्न अझैसम्म पनि हलमा दर्शकको घुईंचो लाग्ने गरेको छ । नेपाली बक्स अफिसमा राम्रो रेकर्ड राख्न सफल यस चलचित्रको उचाइलाई लिएर धेरै दर्शकहरुले समेत प्रशंसा गरेका थिए । नेपालमा भव्य सफल भएसँगै बिदेशमा सर्वाधिक माग भइरहेको चलचित्र उनको स्विटरले बिदेशका स्टेसनमा पाएको शोहरुमा राम्रो व्यापार गरिरहेको छ ।
यस चलचित्रमा विपीन कार्की, मिरुना मगर, सुनिल पोखरेल, माओत्से गुरुङ, विल्सन बिक्रम राई, प्रेम सुब्बा, प्रतिक्षा लिम्बु, मेनुका प्रधान लगायतका कलाकारहरुहरुले अभिनय गरेका छन् । केन्द्र मोसन पिक्चर्स र आर्टमान्डु नेपाल प्रा.लि.ले निर्माण गरेको चलचित्रको लेखन तथा निर्देशन भने नबिन चौहानले गरेका हुन् ।
