Category: संगीत

काठमाडौँ।  देशभरका सिनेमाघरमा तेस्रो सातादेखि सफल प्रदर्शनमा रहेको परिवारिक चलचित्र ‘मन बिनको धन’ले आज जन्मदिन मनाउने दर्शकका लागि विशेष अफर घोषणा गरेको छ। चलचित्र टिमले नयाँ ‘ह्याप्पी बर्थडे’ गीत सार्वजनिक गर्दै जन्मदिनका दिन हलमा आएर चलचित्र हेर्ने दर्शकलाई टिकट रकम फिर्ता गरिने जानकारी दिएको हो।

बालगायक अशोक दर्जीको मुख्य भूमिका रहेको यस फिल्मको ‘ह्याप्पी बर्थडे’ गीतमा टंक बुढाथोकी, मेलिना राई, अन्नु चौधरी, अशोक दर्जी र एआर बुढाथोकीको स्वर रहेको छ। गीतका शब्द, संगीत तथा एरेन्ज सबै टंक बुढाथोकीकै हुन्।

निर्माता तथा निर्देशक बुढाथोकीका अनुसार “जन्मदिनलाई विशेष बनाउन दर्शकलाई हाम्रो तर्फबाट सानो उपहार” स्वरूप टिकट रकम फिर्ता गरिने हो। जन्मदिन पर्ने दर्शकले हलबाट टिकट काटेर चलचित्र हेरेपछि टिमलाई सम्पर्क गर्दा रकम फिर्ता पाउनेछन्।

लगातार सफल प्रदर्शनमा रहेको ‘मन बिनको धन’ले २० दिनमै तीन करोड ६० लाखभन्दा बढी व्यापार गरिसकेको निर्माण टिमले जनाएको छ। चलचित्रलाई देशभर सकारात्मक प्रतिक्रिया मिलिरहेको छ। विशेषगरी विद्यालयहरू आफ्ना विद्यार्थीलाई लिएर हलसम्म पुगिरहेका दृश्यहरू चर्चित बनेका छन्।

गुरु–शिष्य सम्बन्ध, पारिवारिक मूल्य, कर्तव्यबोध र शिक्षाको महत्वलाई समेटेको कथाले दर्शकलाई भावनात्मक रूपमा छोएको देखिन्छ। कलाकार अशोक दर्जीको वास्तविक जीवन घटनामा आधारित फिल्म हेरेपछि दर्शकले उनलाई अँगालो हालेर रुने दृश्यहरू सामाजिक सञ्जालमा भाइरल भएका छन्। स्कुले विद्यार्थीदेखि अभिभावक, युवा पुस्तादेखि ज्येष्ठ नागरिकसम्म सबै उमेरका दर्शक हलतिर आकर्षित भएका छन्। सअघि नै निर्माण टिमले देशभरका विद्यालयका विद्यार्थीलाई छुट दिने घोषणा गरिसकेको थियो।

चलचित्रमा अशोक दर्जीसँगै सरोज खनाल, सन्तोष पन्त, रमा थपलिया, नीता ढुंगाना, रमेश विश्वकर्मा, भोला सापकोटा, बुद्दि तामाङ, रवीन्द्र झा, पार्वती अधिकारी, एआर बुढाथोकी, शंकर श्रेष्ठ, साम्राज्ञी थापा, बिना राउत, बाबु पराजुली, रक्षा श्रेष्ठ, प्रियंका झा, आर्यन पोखरेल, विजय डंगोललगायतका कलाकारको दमदार अभिनय छ।

टंक बुढाथोकीले लेखेको कथामा आधारित यस चलचित्रको पटकथा तथा संवाद शिवम अधिकारीले तयार गरेका हुन्। टंक बुढाथोकी प्रोडक्सनको प्रस्तुतिमा बनेको फिल्मको निर्माण विष्णुमाया मैनालीले गरेकी हुन् भने कार्यकारी निर्मातामा मिनु शर्मा (सपना) छिन्। जी.पी. संग्रोला, विवेक नेपाल र बिजया पाण्डे सह–निर्मातामा रहेका छन्। फिल्ममा सौरभ लामाको छायांकन, कविराज गहतराज र रामजी लामिछानेको कोरियोग्राफी तथा मित्र डी. गुरुङको सम्पादन समावेश छ।

काठमाडौं – अभिनेत्री सुरक्षा पन्तको प्रमुख भूमिका रहेको नेपाली चलचित्र ‘धागो’को दोस्रो गीत ‘मेरो सम्झना’ शुक्रवार सार्वजनिक गरिएको छ। यो गीतले चलचित्रको भावनात्मक पाटो उजागर गरेको छ, जसले पारिवारिक सम्बन्ध र तिनका नाजुक धागोहरूलाई स्पर्श गर्ने प्रयास गरेको छ। गीतमा सङ्गीत तथा स्वर पुष्पन प्रधानले दिएका छन्, उनलाई करुणा अधिकारीले स्वरमा साथ दिएकी छिन्।

गीतको धुन र शब्द दुवैले बिछोड, सम्झना र सम्बन्धको संवेदना झल्काउँछन्। भिडियोमा चलचित्रका कलाकारहरू सुरक्षा पन्त र प्रभात थापाबिचको भावनात्मक कथा प्रस्तुत गरिएको छ। भिडियोले चलचित्रको मूल कथा एक परिवारभित्र सम्बन्धको धागो कमजोर भएपछि उत्पन्न हुने संवेदनशील परिस्थितिलाई प्रतिबिम्बित गर्छ।

‘धागो’ आगामी कार्तिक २८ गते (नोभेम्बर १४) नेपाल र भारतका हलमा एकसाथ रिलिज हुन लागेको चलचित्र हो। यसको निर्देशन उदिप राणा थापाले गरेका हुन्। फिल्म म्याग्नेट इन्टरटेन्मेन्ट प्रोडक्शन हाउसले निर्माण गरेको यस चलचित्रमा निर्माता उमा थापा, उत्तम थापा र उदिप थापा रहेका छन्। प्रभात थापा, समीर तामाङ र राजेश क्षेत्री सह–निर्माता हुन् भने अब्दुल वहिद एम. र उदय थापा सुपरभाइजिङ प्रोड्युसरका रूपमा रहेका छन्।

चलचित्रले नेपाल–भारत सीमावर्ती क्षेत्रमा बसोबास गर्ने नेपाली परिवारहरूको जीवन, सांस्कृतिक सम्बन्ध र आपसी भावनात्मक धागोलाई कथाको केन्द्रमा राखेको छ। चलचित्रमा सुरक्षा पन्त र प्रभात थापासँगै सुरभि थापा, बुद्धि तामाङ, सुनिल थापा, रबिन सान्संकर, दीप छेत्री, प्रज्ञा थापा, बाबु प्रधान, सेवन विश्वकर्मा, राजीव भुसाल, आइशा तामाङ, र पप्पु विश्वकर्मालगायतका कलाकारको अभिनय समावेश छ। अभिनेत्री वर्षा राउतले विशेष केमियो भूमिकामा देखिनेछिन्।

छायाङ्कन निर्देशन बलिउडका अनिकेर एम. घोघले गरेका हुन् भने सम्पादनमा अखिलेश राय, कस्ट्युम डिजाइनमा बिनु प्रधान, भीएफएक्समा अनुरूप केर्टकेट्टा, रङ संयोजनमा अनिन्दिया एस. राय, साउन्ड डिजाइनमा अमित त्रिवेदी, कोरियोग्राफिमा कविराज गहतराज र बसन दर्जी, कन्सल्टेन्ट एडिटरमा कमलेश पराउ, र ब्याकग्राउण्ड स्कोरमा निर्मल पन्या रहेका छन्।

‘धागो’को डिजिटल पार्टनर ओएसआर डिजिटल रहेको छ भने नेपालमा यसलाई आरआर फिल्म्सले वितरण गर्नेछ।
https://youtu.be/kR8uICILNhA?si=SPT2ovGuyHersg_Y

भाइटीकाको दिन अर्थात् आगामी कात्तिक ६ गते प्रदर्शनमा आउन लागेको बहुप्रतिक्षित चलचित्र ‘वरिष्ठ बलराम’ अहिले चर्चा र अपेक्षाको केन्द्रमा रहेको छ। चलचित्रमा समावेश ‘न्याउली वनैमा’ गीतले युट्युबमा तहल्का मच्चाइरहेको छ।

रिलिज भएको मात्र दुई हप्तामै ५ मिलियनभन्दा बढी दर्शकले गीत हेरेर माया दर्शाएका छन् भने ग्रामीण सौन्दर्य, भावनात्मक कथा र मन छुने शब्द, सङ्गीतले दर्शकलाई गीतसँग जोडिएको महसुस गराएको छ। गीतका दृश्यमा विजय बरालको प्रभावशाली उपस्थिति देख्न सकिन्छ, जसले चलचित्रको भावनात्मक पक्षलाई अझ बलियो बनाएको छ।

चलचित्र ‘वरिष्ठ बलराम’ प्रतिष्ठा, संघर्ष र समाजमा सम्मान खोज्ने पात्रहरूको कथा हो जसमा निर्देशकले भनेका छन्, “न्याउली  वनैमा हाम्रो कथाको आत्मा हो  यो गीतले बलरामको भावनालाई जिवित बनाउँछ।”

दर्शकबाट प्राप्त भएको माया र समर्थन दिनुभएकोमा निर्माण टिमले धन्यवाद व्यक्त गर्दै दर्शकलाई चलचित्र रिलिजमा पनि यस्तै साथ र उत्साह सहितको दाबी गरेका छन ।

सिनेमामा दयाहाङ राई, विजय बराल, समृद्धि अर्याल,पशुपति राई, माओत्से गुरुङ, भोलाराज सापकोटा, रामबाबु रेग्मी, प्रदीप कुमार चौधरी (पीके) लगायतको अभिनय छ । निर्देशक पौडेलकै कथा र सम्पादन रहेको सिनेमाको पटकथा महेश दवाडीले लेखेका हुन् ।

वृषभ सिद्धी इन्टरटेनमेन्टको प्रस्तुतिमा आन्भी फिल्मस्को सहकार्य रहेको सिनेमामा आशिष एच तामाङ र श्रीराज कार्कीको लगानी छ । सामाजिक कथावस्तुमा आधारित ‘वरिष्ठ बलराम’को छायांकन चितवनका विभिन्न स्थानमा गरिएको हो ।

मनकृष्ण महर्जनको छायांकन रहेको सिनेमाका मुख्य सहायक निर्देशक तारानाथ न्यौपाने हुन् । प्रशान्त शिवाकोटीको संगीत, सम्राट बस्नेतको द्धन्द्व निर्देशन, प्रदीप लामाको नृत्य निर्देशन रहेको सिनेमालाई काठमाडौं उपत्यकामा डीसीएन र मोफसलमा कुवेर सिने डिस्ट्रिव्युसनले वितरण गर्नेछ ।

गित :

काठमाडौं । दयाहाङ राई र विजय बराल मुख्य भूमिकामा रहेको सिनेमा ‘वरिष्ठ बलराम’को गीत यतिबेला सामाजिक सञ्जालमा लोकप्रिय भइरहेको छ ।

‘न्यौली बनैमा…’ बोलको गीत दर्शकको मन जित्दै टिकटकलगायत सामाजिक सञ्जालमा लोकप्रिय भइरहेको छ । प्रशान्त शिवाकोटीको शब्द तथा संगीत रहेको गीतको लय पूर्वी नेपालको लोकलय र मध्य नेपालको लोक लयको सेरोफेरोमा छ । पूर्वी र मध्य नेपालको लोकलय पक्रिएर त्यसमा संगीतकारले आफ्नो सिर्जनशिलता मिसाउँदा गीत मिठो बनेको छ ।

प्रशान्त शिवाकोटी र शान्तीश्री परियारको स्वर रहेको गीतमा स्थानीय माटो र जनजीवनका शब्द मिसिदा त्यसैलाई दर्शकले मन पराएको देखिएको छ ।

गीतलाई उकास्न गीतको लय र शब्दमा रहेको मिठासमा भिडियोले थप बल पु¥याएको छ । भिडियोमा देखिएका कलाकार विजय बराल यस्तो नृत्यका लागि पुरानो अनुहार होइनन् । ‘जनै हराएको बाहुन’लगायत केही चलचित्रमा उनको नृत्य रहे पनि टाइम र स्पेसका हिसाबले यसमा उनले धेरै स्थान पाएका छन् । आफूले पाएको समयमा उनले गरेको नृत्य राम्रो हुँदा दर्शकले मन पराएका छन् ।

अभिनयमा खारिएका र दर्शकले पत्याएका उनले नृत्यमा पनि आफू उत्तिकै राम्रो रहेको यो गीतबाट प्रमाणित गर्दा गीत अहिले टिकटकमा केही क्लिप्समा मात्रै होइन युट्युबमा पनि हिट भइरहेको छ ।

समृद्धि अर्याल पनि नृत्य हेर्दाहेर्दा दिक्क लाग्दो अनुहार होइन । त्यसैले फ्रेस कलाकारको राम्रो नृत्यले पनि दर्शकको मन जित्दा ‘न्यौली बनेमा’ अहिले लोकप्रिय भइरहेको छ ।

सुरेन्द्र पौडेलको निर्देशनमा निर्माण भएको सिनेमामा दयाहाङ राई, विजय बराल, समृद्धि अर्याल, पशुपति राई, माओत्से गुरुङ, भोलाराज सापकोटा, रामबाबु रेग्मी, प्रदीप कुमार चौधरी (पीके) लगायतको अभिनय छ । निर्देशक पौडेलकै कथा र सम्पादन रहेको सिनेमाको पटकथा महेश दवाडीले लेखेका हुन् ।

वृषभ सिद्धी इन्टरटेनमेन्टको प्रस्तुतिमा आन्भी फिल्मस्को सहकार्य रहेको सिनेमामा आशिष एच तामाङ र श्रीराज कार्कीको लगानी छ । सामाजिक कथावस्तुमा आधारित ‘वरिष्ठ बलराम’को छायांकन चितवनका विभिन्न स्थानमा गरिएको हो ।

मनकृष्ण महर्जनको छायांकन रहेको सिनेमाका मुख्य सहायक निर्देशक तारानाथ न्यौपाने हुन् । प्रशान्त शिवाकोटीको संगीत, सम्राट बस्नेतको द्धन्द्व निर्देशन, प्रदीप लामाको नृत्य निर्देशन रहेको सिनेमालाई काठमाडौं उपत्यकामा डीसीएन र मोफसलमा कुवेर सिने डिस्ट्रिव्युसनले वितरण गर्नेछ ।