काठमाडौं – वडादशैंको फूलपातीदेखि देशभर प्रदर्शनमा आएको नेपाली चलचित्र ‘बलिदान’ ले निरन्तर उत्कृष्ट व्यापार गर्दै सिनेमा हलहरूमा जोशिलो वातावरण सिर्जना गरेको छ।
राजनीतिक घटना, आमा–छोराको ममता र देशप्रतिको बलिदानी भावनालाई समेटिएको यो फिल्मले दर्शकलाई भावुक बनाइरहेको छ। धेरै दर्शकले चलचित्र हेरेपछि कथा र एक्सन दुवैले मन छोएको प्रतिक्रिया दिएका छन्।
मुख्य भूमिकामा रहेका समीर भट्ट ले दर्शकको माया प्रति आभार व्यक्त गर्दै भने,
“दर्शकले दिएको माया नै मेरो प्रेरणा हो, अब अझ राम्रो काम लिएर आउनेछु।”
आसुसेन फिल्म्स प्रा.लि. को ब्यानरमा बनेको ‘बलिदान’ मा समीर भट्टसँगै सौगात मल्ल, अर्पण थापा, ऋचा शर्मा, कविता राय, हेमन्त बुढाथोकी लगायतका कलाकारको दमदार अभिनय देख्न सकिन्छ।
चलचित्रका निर्माता पवन ब्राडफोर्ड बिस्ट, कार्यकारी निर्माता प्रेम पुरी हुन् र वितरणको जिम्मा काफिया फिल्म्स ले लिएको छ।
फूलपातीबाट प्रदर्शनमा आएको ‘बलिदान’ ले छठौं दिनसम्म पनि हाउसफुल शो चलिरहेको छ। नेपाली चलचित्र क्षेत्रको मन्द वातावरणमा पनि यस्तो उत्साहजनक प्रदर्शनले नेपाली सिनेमामा नयाँ उर्जा थपेको छ।