काठमाडौं ।
ब्लकबस्टर फिल्म बाहुबलीुमा अभिनय गरेर चौतर्फी प्रशंसा बटुलेका नायक प्रभासको नयाँ फिल्म ‘साहो’बहुप्रतिक्षित बनेको छ । प्रभासको नयाँ फिल्म ‘साहो’ को फर्स्टलुक पोष्टर सार्वजनिक भएसँगै दर्शकको मनमा झन् उत्सुकता बढेको छ ।
प्रभासले ‘साहो’मा बाहुबलीको भन्दा पनि खतरनाक स्टन्टहरु गरेको खवर सार्वजनिक भएको छ । भारतीय मिडियाका अनुसार ‘साहो’को दुबईमा केही सिनको सुटिङ भएको छ । यस सिनमा कार, बाइक र हेलिकोप्टर प्रयोग गरेर खतरनाक स्टन्ट सिन खिचिएको छ । अब फिल्मको सुटिङको तेस्रो सेड्युल प्रभास र श्रद्धाका साथ हैदराबादमा हुँदै छ ।
भारतीय मिडियाका अनुसार फिल्म ‘साहो’मा ‘बाहुबली’को भन्दा तीन गुणा बढी स्टन्ट हुने बताइएको छ । यो फिल्म टलिउडको सबैभन्दा ठूलो प्रोजेक्ट रहेको बताइएको छ । फिल्ममा बलिउड अभिनेत्री श्रद्धा कपुर र प्रभास पहिलोपटक सँगै देखिँदै छन् ।सुजीथको निर्देशनमा तयार भईरहेको फिल्म सन् २०१८ को दिपावली या क्रिसमसमा रिलिज हुने सक्ने केहि भारतीय मिडियाले अनुमान लगाएका छन् ।
