ऋचाको ‘यो पागल मन’काे ट्रेलर सार्वजनिक

काठमाडाैं । 
बैवाहिक सम्बन्ध पश्चात्  पर्दाबाट टाढा रहेकी अभिनेत्री ऋचा सिंह ठकुरी स्टारर नयाँ फिल्म ‘यो पागल मन’ को अफिसियल ट्रेलर सार्वजनिक भएको छ । प्रेम, विछोड र द्वन्द्वले ट्रेलरमा मुख्य स्थान पाएका छन् ।
ऋचा र अभिनेता विनोद न्यौपानेको प्रेममा अभिनेता राजेश ढुंगाना भिलेन बनेका छन् । मंगलवार राजधानीमा आयोजित एक कार्यक्रमका बीच कलाकार र निर्माण टीमको उपस्थितिमा फिल्मको ट्रेलर सार्वजनिक गरिएको हो ।
असार २९ गतेबाट प्रदर्शनमा आउन लागेको कल्याण अधिकारी निर्देशित यस फिल्मलाई बिरेन्द्र कुमार यादब र कल्याणले मिलेर निर्माण गरेका हुन् । गौरी मल्ल, मनिष भण्डारी, बिशाल श्रेष्ठ, एनी कुँवरलगायतका कलाकारहरुले पनि यस  फिल्ममा अभिनय गरेका  छन् ।
अर्जुन पोखरेलको संगीत रहेको फिल्मलाई शम्भु सापकोटाले छायाँकन गरेका  हुन् । अनिल गौतमले यसमा सम्पादनको जिम्मेवारी सम्हालेकाे फिल्ममा कमल राइको कोरियोग्राफी रहेको  छ । ‘यो पागल मन’ मा द्वन्द निर्देशन राजु किराँतीको रहेको छ भने सामिप्यराज तिमल्सिनाले पटकथा तथा संवाद लेखेका हुन् ।