सुरू भयाे रेखा थापाकाे ” मालिका ” काे सुटिङ

अभिनेत्री रेखा थापाकाे  आफ्नै निर्देशनमा बन्ने फिल्म ‘मालिका’ को सुटिङ सुरु भएकाे छ । सोमबार बिहान पशुपतिमा पूजाआजा गर्दै रेखाले बालुवाटारबाट फिल्मको छायांकन सुरु गरेकी हुन् ।
छायांकनको पहिलो दिन रेखा र नर बहादुर कार्कीले बालुवाटारमा आउट डोर सट लिएकाे  मुख्य सहायक निर्देशक नवराज आचार्यले जानकारी दिए । फिल्मको काठमाण्डौंमा करीब १० दिन सुटिङ चल्नेछ ।
राजधानीपछि ‘मालिका’ को कोहलपुर र जाजरकोटमा छायांकन हुनेछ । यसमा रेखा र नरबहादुरसँगै जाजरकोटकी १४ वर्षीय बालिका कमला ओलीको मुख्य भूमिका रहनेछ । रेखाको आफ्नै कथा रहेको फिल्म व्यक्तिको सोच परिवर्तनको विषयमा आधारित रहेको छ ।
फिल्ममा रामशरण उप्रेतीको छायांकन र सुरेश अधिकारीको संगीत छ । यसअघि फिल्म ‘हिम्मतवाली’ निर्देशन गरेकी रेखाले ‘मालिका’ लाई लक्ष्मीपूजा कात्तिक २१ देखि प्रदर्शनमा ल्याउने जानकारी दिइन् ।