‘ रामकहानी ‘ काे पहिलाे गीत सार्वजनिक

काठमाडाैं । 
अभिनेत्री पूजा शर्माको निर्माण र अभिनय रहेको चलचित्र रामकाहानीको पहिलो गीत सार्वजनिक भएको छ । पूजाकाे  २६औँ जन्मदिनको अवसर पारेर चलचित्रको पहिलो गीत ‘तिम्रो लागि म छु‘’ बोलको गीत सार्वजनिक गरिएको हो ।
गीतमा पूजासँगै आकाश श्रेष्ठ, केदार घिमिरे, जितु नेपाल र विल्सनविक्रम रार्इकाे पनि नृत्य रहेकाे छ  । अर्जुन पोखरेल शब्द र संगीतमा बनेको गीतमा अन्जु पन्त र सुगम पोखरेलले स्वर दिएका छन् । गीतमा कोरियोग्राफी भने कविराज गहतराजले गरेका छन् । गीतलाई धुर्मुस सुन्तलीले निर्माण गरेको रौतहटको एकीकृत नमुना बस्ती सन्तपुरमा छायाङ्कन गरिएको छ।  सुदर्शन थापाले यस चलचित्रलाई निर्देशन गरेका हुन् ।चलचित्र  भदौ २२ गते प्रदर्शनको तयारीमा रहेको छ ।