प्रेम गीत २ दोस्रो सातामा प्रवेश, शारुख खान  अभिनित चलचित्र “जब ह्यारी मेट  सेजल”लाई पछी पार्दै

सुरुवाती दुई दिनमा आक्रामक व्यापार गरेको चलचित्र ‘प्रेमगीत २’ दोश्रो हप्तामा प्रवेश गरेको छ। यता बलिउड चलचित्र ‘जब ह्यारी मेट सेजल’ पनि रिलिज  भएको छ । शारुख खान  अभिनित फिल्म “जब ह्यारी मेट  सेजल”लाई पछी पार्दै प्रेम गीत २ ले आफ्ना सम्पूर्ण शो हाउस फुल गरेको छ । चलचित्र प्रेमगीत -२ लाई कुनै असर नपर्नेमा निर्माणपक्ष्य ढुक्क देखिन्छ । भोलि शनिवार काठमान्डूका  १० शो  अग्रिम बुक भैसकेका छन् भने बाँकी धमाधम हुने क्रम जारि रहेको छ , प्रेमगीता-२’ले दोश्रो सातासम्म आइपुग्दा पनि दर्शकको राम्रो साथ पाएको चलचित्रका निर्माता  सन्तोष सेनले बताएका छन । समिक्षकको मिश्रित प्रतिक्रिया पाएपनी चलचित्रले साउन १३ गतेबाट नै राम्रो व्यापार गरेको छ ।प्रदिप खड्का र अश्लेषा ठकुरीको मुख्य भूमिका रहेको चलचित्र ‘प्रेमगीत २’ बाहेक यो साता कुनै पनि नेपाली चलचित्र रिलिज भएका छैनन् ।
प्रेमकथामा आधारीत चलचित्रमा प्रदिप खड्का, अश्लेषा ठकुरी कैलाश कटुवाल, कविता रेग्मी, शिशिर भण्डारी, कुमार कार्की, श्रद्धा प्रसाई लगायत अन्य कलाकारहरुको मुख्य भूमिका रहेको छ । सन्तोष सेनको निर्माणमा तयार भएको ‘प्रेमगीत २’ले लगानी सुरक्षित गरिसकेको दाबी समेत निर्माणपक्षले गरेको छ । यस चलचित्रलाई रामशरठ पाठकले निर्देशन गरेका हुन्।