“वीर विक्रम” संग भिड्ने को ? टाईगर र जेक्लिनको पनि चलेन जोर

मनोरंजनसंसार डटकम
गत बिहिबार तोकिएको प्रदर्शन मिति भन्दा १ दिन अगाडी अर्थात् भाद्र २ गतेबाट प्रदर्शनमा आएको चलचित्र “वीर विक्रम” ले अहिले अपार सफलता हासिल गरिरहेको छ | चलचित्रले प्रदर्शनको ३ दिनमै करोड क्लबमा सफल प्रवेश गरेर ठुलो हात सफल पारिसकेको छ | अहिले चलचित्र “वीर विक्रम” को क्रेज निकै बढेर आएको छ | पहिलो हफ्ता बितिसक्दा चलचित्र हेर्नको लागि दर्शकहरुको चाप अझै पनि नघटेको अवस्था रहेको छ | चलचित्रले आज पहिलो हफ्ता बितेर दोस्रो हफ्ता सुरु गर्दा पनि दर्शकहरुको चाप उस्ताको उस्तै छ | काठमाडौँ उपत्यका मात्र नभएर उपत्यका बाहिर समेत यही अवस्था रहेको छ | बुटवल , धरान , नारायणघाट , नेपालगंज , पोखरा लगाएतका ठाउहरुमा दर्शकहरुको अत्याधिक चापको कारण धेरै समय देखि बन्द रहेको नाइट शो पनि संचालन गर्नुपर्ने अवस्था सिर्जना भयो | त्यस्तै काठमाडौँ उपत्यका भित्रका मल्टिप्लेक्स र सिंगल थिएटरका अधिकांश हलहरु दोस्रो हफ्ता प्रवेश हुदा समेत हाउसफुल शो मै चलिरहेको छ | चलचित्र प्रदर्शन हुदा पहिलो हफ्तामा अर्को चलचित्र “चपली हाइट २” र हिन्दी चलचित्र “हेप्पी भाग जाएगी” भिडन्तमा रहेको थियो | तर चलचित्र “वीर विक्रम” ले यी दुवै चलचित्रलाई मात खुवाएको थियो | त्यस्तै आज पहिलो हफ्ता सकेर दोस्रो हफ्तामा प्रवेश गर्दा अर्को बलिउड स्टार टाईगर शरोफ र जेक्लिन फेर्नान्देज अभिनित हिन्दी चलचित्र “फ़्लाइङ्ग जट” प्रदर्शन आउदा समेत चलचित्र “वीर विक्रम” को केहि पनि बिगार्न सकेन | चलचित्र “वीर विक्रम” ले दोस्रो हफ्ता आइपुग्दा समेत बलिउड स्टार टाईगर शरोफ चलचित्र “फ़्लाइङ्ग जट” लाई मात खुवाएको छ | यसरी नेपालमा हिन्दी चलचित्रको क्रेज हुदाको अवस्थामा समेत बलिउड स्थापित स्टारको चलचित्रलाई पराजित गरेर चलचित्र “वीर विक्रम” ले एउटा नया इतिहास रचन सफल भएको छ | यसरी दोस्रो हफ्तामा प्रवेश गरिरहदा बलिउड स्थापित स्टारको चलचित्र प्रदर्शनमा आउदा समेत त्यस चलचित्रलाई मात खुवाएर सम्पूर्ण हलहरुमा कब्जा जमाउन सफल रहेको छ चलचित्र “वीर विक्रम” |