साहरुख र आमिर सलमानका मिल्ने साथी, कट्रिना पनि विशेष

मनोरंजनसंसार डटकम
बलिउडमा सलमान खान जस्तै बन्ने सपना देख्ने कलाकार धेरै छन् तर, सलमान खान त्यस्ता कलाकार हुन् जो कहिल्यै अरु जस्तो बन्न चाहेको कुरा गर्दैनन् ।
तर, पछिल्लो समय सलमान खान अभिनेता नवाजुद्दिन सिद्दिकीवाट बढी नै प्रभावित रहेछन् ।
सोहिल खान निर्देशित चलचित्र ‘फिक्री अली’ को ट्रेलर लञ्चको अवसरमा आयोजित कार्यक्रममा सलमानले नवाजुद्दिनलाई ‘अलग सलमान’ घोषणा गरिदिए । ‘नवाजुद्दिन बलिउडका सबै भन्दा विनम्र र क्षमतावान कलाकार हुन्’, उनले भने ।
उनले पूर्व प्रेमिका कट्रिना कैफको बिषयमा पनि मुख खोलेरै बोले । उनले भने-‘कट्रिना मेरो साथी हुन्, हमेशा मेरै साथी हुनेछिन् ।’यस चलचित्रमा नवाजुद्दिन र एमी ज्याक्सनको मुख्य भुमिका छ । ‘फिक्री अली’ र कट्रिना अभिनित ‘बार -बार देखो’ एउटै मितिमा प्रदर्शन हुने भएका छन् ।
सलमानको भनाई अनुसार दुबै चलचित्र अलग-अलग जनरामा बनेका छन्, यसैले यी दुइविच प्रतिस्पर्धा हुँदैन । सलमानका अनुसार उनको बलिउडमा सबैभन्दा नजिकका साथी साहरुख खान र आमिर खान हुन् । उनले नायक संजय दत्तलाई पनि सानैबाट चिनेकाले नजिकका साथी भनेका छन् ।