पुर्व मिस नेपाल मलिना स्टारर ‘दि विनर’ ट्रेलर रिलिज

मनोरंजनसंसार डटकम

भदौ १७ लाई रिलिज मिति तय गर्दै गरिएको प्रचारका बीच रिलिज पोष्टपोण्ड भएको फिल्म ‘दि विनर’को ट्रेलर सार्वजनिक भएको छ । नेपाली मनबाट हेर्दा फिल्मको ट्रेलरले हलिउड शैलीको झल्को दिन्छ ।
अष्ट्रेलिया दुबई अनि नेपालमा छायाँकन गरिएको ट्रेलरमा मनोरम दृश्यहरु समावेश छन् डायलग डेलिभरीको केहि कमजोरी बिर्सिने हो भने दर्शकले वाउ भन्ने ट्रेलर छ ।
पुर्व मिस नेपाल मलिना जोशी स्टारर फिल्मको संभावित रिलिज मिति असोजलाई मानिए पनि निर्माण टिमले ट्रेलरमा ‘कमिङ सुन’ मात्रै उल्लेख गरेको छ ।
ट्रेलरमा लिड कलाकार मलिनासँगै महेशमान श्रेष्ठ, रोयल मास्के, मन्चिन शाक्य, राजकुमार पन्त, रेशु तामाङ र अमित गिरी लगायत फिचरिङमा छन् । हिक्मत बिष्ट निर्देशित सुवोध ठकुरी, विकास खरेल, रितेश राणा, सृजना शाह, रोयल मास्के लगायतको संयुक्त लगानी छ ।
हेर्नुस ट्रेलर :