मलिनाको उपस्थिथि सहित `झुम्की`को नया पोस्टर सार्वजनिक

मनोरंजनसंसार डटकम

छायाँकन सकेर सम्पादनमा रहेको फिल्म “झुम्की” यही भदौ ९ गतेदेखि नेपालभर प्रदर्शनको तयारीमा रहेको छ। अपिल विस्ट फिल्म प्रोडक्सन र सिनेमा आर्टको संयुक्त प्रस्तुती रहेको “झुम्की”को दोस्रो पोस्टर रिलिज भएको छ।
पहिलो पोस्टरमा नअटाएकी अभिनेत्री मलिना जोशिलाई दोस्रो पोस्टरमा समेटिएको छ । ‘दाशढुंगा’ फिल्म निर्माण गरेर चर्चामा आएका अपिल बिष्टले फिल्मको निर्देशन गरेका हुन् ।
रामबाबु गुरुङको लेखन कालिप्रसाद बास्कोटाको संगीत रहेको यस फिल्ममा दयाहाङ राई, मलिना जोशी, रिश्मा गुरुङ, मनोज आरसी र प्रमोद अग्रहरीको मुख्य अभिनय रहेको छ भने यसलाई छयांकन गरेका छन् शैलेन्द्रध्वज कार्कीले।
सोसल ड्रामा जनराको फिल्म ‘झुम्की’को कथा दाङ जिल्लाकी एक थारु युवतीसँग प्रेम गर्ने एक प्रहरीले भोगेका उतारचढावपूर्ण घटनाको वरिपरि घुमेको बताईएको छ ।