पर्दामा नै पहिलो पटक नायक भुवन केसीले भिजे सन्ध्या केसीलाई आफ्नो फिल्ममा नयाँ फिल्म ‘ड्रिम’मा इन्ट्री गराउने निर्णय गरेकै केहि दिन भित्रमा नै सन्ध्याले अभिनय गरेको नयाँ म्युजिक भिडियो सार्वजनिक भएको छ । ईमेज च्यानलमा कार्यरत भिजे सन्ध्या केसीको जोडी र निर्देशक सुरज श्रेष्ठले आफ्ना छोरा अभिषेक श्रेष्ठसगँ जुराएका छन् ।
‘मुटु नचिरिदेउ….’ बोलको गीतमा सन्ध्या र अभिषेकको जोडी राम्ररी जमेको छ । प्राश्ना शाक्यको स्वरमा रहेको उक्त सार्वजनिक गीतलाई सतिश श्रेष्ठले संगीत भरेका छन् भने सुकबहादुर गुरुङको शब्द रहेको छ । मोडेल सन्ध्याले अभिषेक प्रति देखाएको उदार प्रेमलाई निर्देशक सुरज श्रेष्ठले भिडियोबाट देखाउन खोजेका छन् । प्राश्नाको ‘महशुस–२’ मा समेटिएको उक्त सार्वजनिक गीतलाई दर्शक,स्रोताले अत्याधिक मनपराउने निर्देशक सुरज श्रेष्ठले जानकारी दिए ।