काठमाडौं । गत वर्षको सफल सिनेमा ‘होस्टेल ३’मा निवार्ह गरेको खलपात्रको भूमिकाबाट दर्शकमाझ चिनिएका अभिनेता तथा तेक्वान्डो खेलाडी उमर खानलाई लिएर नयाँ सिनेमा ‘कंगाल करोडपति’ घोषणा गरिएको छ । बिहीबार काठमाडौंमा आयोजित एक कार्यक्रमबा बीच यो सिनेमाको निर्माण घोषणा गरिएको हो ।
सिनेमा पाठशालाको ब्यानरमा निर्माण हुन लागेको सिनेमाको निर्देशन राजु श्रेष्ठले गर्नेछन् । यो उनको डेब्यु निर्देशकीय सिनेमा समेत हो । सिनेमामा उमरसहित पदम लोहोरको मुख्य भूमिका रहनेछ । अन्य कलाकार भने टुंगो लाग्न बाँकी रहेको निर्देशक श्रेष्ठले बताए । एउटा सामान्य मान्छे करोडपति र कंगाल बन्दाको अवस्थालाई सिनेमामा हास्य शैलीमा देखाइने छ ।
डेढ करोड लगानी अनुमान गरिएको सिनेमाको छायांका अगामी फागुन महिनादेखि सुरु हुने जानकारी निर्माण टिमले दिएको छ । कैफ खान निर्माता रहेको सिनेमामा सुमन गजमेरको कथा, पटकथा तथा संवाद लेखन छ । उनले यसअघि ‘रंगी’ लेखेका थिए । सिनेमामा मनोज केसी कार्यकारी निर्माताको रूपमा छन् ।
