ओराली लागेको हरिणको चाल भो, रामकृष्णको घर सहकारीको भो

नेपाली सांगीतिक फांटमा केही वर्ष अघिसम्म एकछत्र राज गरेका रामकृष्ण ढकालको स्थिति यतिबेला आफैले गाएको गीत ‘ओराली लागेको हरिणको चाल भो’ भनेजस्तै हुन पुगेको छ । भर्खरै मात्र उनले एक करोड ८० लाख ऋण लिएपछि समयमै भुक्तानी गर्न नसक्दा घर सहकारीलाई बुझाएका छन ।
यता रामकृष्णले भने ८० लाख बुझाइसक्दा पनि सहकारीले बदनाम गरेको प्रति दुखेसो व्यक्त गरेका छन ।
यस्तै रामकृष्णले घर सहकारीलाई बुझाइसकेपनि उनले सो ऋण मिनाहा गर्न मन्त्रीको घरघरसम्म धाएको खबर पनि बाहिरीएको छ ।
भनसुन गर्ने क्रममा वर्षमान पुन,खिलराज रेग्मी,शंकर कोइराला लगाएतका नेतासामू हारगुहार गर्न पुगेको पनि उनि आफैले स्विकारेका छन ।
तर  दोडधुप जति गरेपनि अहिलेसम्म ऋण मिनाहा भइ घर फिर्ता हुने कुनै संकेत भने देखिएको छैन ।